REGİONLAR


Ümumdünya Şahmat Olimpiadasında ikinci turun oyunları başa çatıb

Naxçıvan, 4 oktyabr, AZƏRTAC

Naxçıvanda keçirilən 16 yaşadək yeniyetmələr arasında Ümumdünya Şahmat Olimpiadasında ikinci turun oyunları başa çatıb.

AZƏRTAC-ın Naxçıvan bürosu xəbər verir ki, ikinci turda “Azərbaycan-Naxçıvan” komandası Misir komandası ilə qarşılaşıb. Ağ fiqurlarla mübarizə aparan Nazlı Hümbətova Adam Fəhmi, Zərifə Abbasova isə Jana Tamerlə üz-üzə gəlib. Bu görüşlərdə Nazlı və Zərifə rəqibləri üzərində qələbə qazanıblar. Ziad Rauf Abdellə görüşdə Hüseyn Seyid də ağ-qara taxtanı qalib tərk edib. Sadiq Abbasov isə Omar Mustafa Məhəmmədlə oyunda “sülh”ə razılaşıb – 3,5:0,5. Bununla komandamız olimpiadada ilk komanda qələbəsini qazanıb.

İlk turu qələbə ilə başa vuran “Azərbaycan-2” komandası “Özbəkistan-1” komandası ilə görüşdə məğlub olub – 1,5:2,5. “Azərbaycan-1” komandası isə “Qırğızıstan” komandasının müqavimətini qırıb – 3:1. Yarışa məğlubiyyətlə başlayan “Azərbaycan-3” komandası “Özbəkistan-2” yığması ilə münasibətlərə aydınlıq gətirib. Bu görüşdə komandamız ardıcıl olaraq ikinci dəfə ağ-qara taxtanı məğlub tərk edib – 0:4. “Azərbaycan-4” komandası isə “CAR-2” komandası üzərində 3,5:0,5 hesablı qələbə qazanıb.

Turnirə qələbə ilə başlayan “İran” və “Türkiyə-Anatolia” komandalarının görüşündə qalib gələn olmayıb – 2:2. Maraqla gözlənilən “Meksika” - “Hindistan” qarşılaşmasında isə ağ-qara taxtanı ikincilər qələbə ilə tərk ediblər – 0,5:3,5.

İkinci turda keçirilən digər görüşlərdə aşağıdakı nəticələr qeydə alınıb:

Monqolustan – “Türkiyə-Red” – 1:3

Qazaxıstan - Moldova – 3,5:0,5

Kuba - Banqladeş – 3:1

Latviya – “Türkiyə-White” – 0:4

“Azərbaycan-Sumqayıt” - Kanada – 2:2

İngiltərə - CAR-3 – 2:2

Malayziya – “Gürcüstan–2” - 4:0

“CAR-1” – “Gürcüstan-1” – 0:4

Livan - Şri-Lanka – 2:2

Panama - Honkonq – 2,5:1,5

Qeyd edək ki, olimpiadaya oktyabrın 10-da yekun vurulacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.