MƏDƏNİYYƏT


“Uşaq Kitab Karvanı” oxucularla görüşə gəlir

Bakı, 17 oktyabr, AZƏRTAC

Mədəniyyət Nazirliyinin dəstəyi, F.Köçərli adına Respublika Uşaq Kitabxanasının təşkilatçılığı ilə “Uşaq Kitab Karvanı” layihəsi çərçivəsində cari ilin oktyabrın 22-də Zərdab, 23-də Ucar, 24-də Göyçay, 25-də Ağdaş, 26-da Yevlax, 27-də Mingəçevir, 28-də Bərdə, 29-da Tərtər şəhər və rayonlarına səfər ediləcək.

Nazirlikdən AZƏRTAC-a bildirilib ki, səfər zamanı səyyar kitab sərgilərinin təşkili ilə yanaşı, uşaq yazıçıları Zahid Xəlil, Sevinc Nuruqızı, Reyhan Yusifqızı, və Solmaz Amanovanın oxucularla görüşləri keçiriləcək.

2011-ci ildən etibarən həyata keçirilən “Uşaq Kitab Karvanı” layihəsi üzrə rayonlara (şəhərlərə) səfərlərin təşkilində başlıca məqsəd bölgələrdəki kitabxanaların uşaq şöbələri və filiallarında oxucuların sorğularını təmin etməklə kitaba olan ehtiyacın mümkün dərəcə ödənilməsidir. Bu günə qədər layihə üzrə respublikamızın 33 rayonuna (şəhərinə) kitab karvanı yola düşmüş və regionlarda fəaliyyət göstərən kitabxanaların müvafiq bölmələrinə ümumilikdə 25 mindən çox nüsxə uşaq ədəbiyyatı hədiyyə edilmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.