CƏMİYYƏT


Vüsalə Rafiqqızı: Bu gün qeydə alınan zəlzələlərə görə təşviş yaratmağa ehtiyac yoxdur

Bakı, 16 fevral, AZƏRTAC

Təşviş yaratmağa ehtiyac yoxdur. Bu gün qeydə alınan hər iki zəlzələ zəif zəlzələdir.

AZƏRTAC xəbər verir ki, bu sözləri Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin İnformasiya şöbəsinin müdiri Vüsalə Rafiqqızı deyib.

“Şamaxıda qeydə alınan və maqnitudası 3.8-ə bərabər olan zəlzələ hiss olunmayıb. Lənkəran Lerik sərhədində qeydə alınan və maqnitudası 3,5-ə bərabər olan yeraltı təkanlar isə Lerikdə 3 bala qədər hiss edilib. Hər iki təkanda dərinlik Yer səthinə yaxındır. Şamaxıda dərinlik 4 kilometr, Lənkəran Lerik sərhədində 10 kilometrdir”, -deyə V.Rafiqqızı bildirib.

Onun sözlərinə görə, bu gün zəlzələ qeydə alınan ərazilər seysmik aktiv bölgələrdə yerləşir. Belə bölgələrdə vaxtaşırı hiss olunan və hiss olunmayan təkanların qeydə alınması mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.