XATİRƏ MƏRASİMİ KEÇİRİLMİŞDİR

Azərbaycanlıların soyqırımı günü münasibətilə Hərbi Dəniz Qüvvələrinin zabitlər evində xatirə mərasimi keçirilmişdir. Şəxsi heyət bir dəqiqəlik sükutla vətən uğrunda canlarını qurban vermiş şəhidlərin ölməz ruhunu yad etmişdir.

Mərasimdə çıxış edən natiqlər ermənilərin yüz illərdən bəri azərbaycanlıların başına gətirdikləri müsibətlər, vəhşiliklər, apardıqları soyqırımı siyasəti haqqında danışmışlar.

Azərbaycan Dövlət Mədəniyyət və İncəsənət Universitetinin dosenti, respublikanın əməkdar artisti Ağalar Bayramov, bədii qiraət ustaları Zöhrab İmanquliyev, Arif Məmmədov Vətən, torpaq, yurd haqqında şerlər söyləmişlər.