DÜNYA


Yaponiya Milli Turizm Təşkilatı güclü qar yağması ilə bağlı xüsusi veb-sayt yaradıb

Tokio, 30 dekabr, AZƏRTAC

Yaponiyada hazırda müşahidə edilən kəskin hava şəraiti hökumət orqanlarının ingilis dilində xəbərdarlıq xidməti yaratmasına səbəb olub.

AZƏRTAC xəbər verir ki, Yaponiya Milli Turizm Təşkilatı bu məqsədlə www.japan.travel/en/ veb-saytı yaradıb. İstifadəçilər müvafiq məlumatı əldə etmək üçün “Yaponiyada qar şəklində yağıntı” bölməsinə müraciət edə bilərlər.

Bununla yanaşı, ingilis, Çin, koreya və yapon dillərində “qaynar xətt” də təşkil edilib. Yaponiya daxilində 050-3816-2787, ölkə xaricindən isə +81-50-3816-2787 telefon nömrəsinə zəng etməklə müxtəlif regionlarda hava şəraiti ilə bağlı məlumatlar əldə etmək olar.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.