MƏDƏNİYYƏT


Yusif Eyvazov: Opera musiqisi sahəsində Azərbaycan məktəbinin xüsusi yeri var

Paris, 7 fevral, AZƏRTAC

Cari ilin mayında Bakıda konsertimiz olacaq. Konsertə ciddi hazırlıq işləri gedir, yəqin ki, tezliklə dəqiq tarix elan olunacaq.

Bu sözləri Parisdə AZƏRTAC-a müsahibəsində dünya şöhrətli azərbaycanlı tenor, Xalq artisti Yusif Eyvazov deyib.

Bakının onun üçün sevimli şəhər olduğunu qeyd edən ifaçı təəssüflə bildirib ki, işlərinin çoxluğundan Azərbaycana istədiyi kimi tez-tez gedə bilmir. O, Bakının gündən-günə gözəlləşdiyini və böyüdüyünü bildirib.

“Xalqımızın yüksək musiqi duyumu, Azərbaycanın zəngin musiqi irsi var. Opera musiqisi sahəsində Azərbaycan məktəbinin xüsusi yeri mövcuddur. Klassik musiqi irsinin yaşadılması, gələcək nəsillərə çatdırılması sahəsində bəstəkarlarımız, ifaçılarımız musiqi tariximizdə dərin iz qoyublar.

Azərbaycan mədəniyyətinin, xüsusilə də musiqimizin dünyada təşviq edilməsində Heydər Əliyev Fondunun böyük rolunu qeyd etmək istəyirəm. Fond gənc musiqiçilərə dəstəyini əsirgəmir. Bir çox musiqiçilərimizin beynəlxalq səviyyədə tanınmasında Heydər Əliyev Fondunun əvəzedilməz rolu olub”, - deyə Azərbaycanın Xalq artisti Y.Eyvazov vurğulayıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.