REGİONLAR


Zaqatala taxılçıları zəmilərdən 13 min tondan çox məhsul tədarük ediblər

Zaqatala, 6 iyul, Mustafa Dadaşov, AZƏRTAC

Cari mövsümdə Zaqatala rayonunda 10 min 933 hektar taxıl sahəsinin məhsulunun biçilməsi nəzərdə tutulur. Taxıl əkinlərinin 7 min 581 hektarını buğda, 3 min 352 hektarını isə arpa sahələri təşkil edir. Hazırda təsərrüfatlarda taxıl biçini mütəşəkkil qaydada davam etdirilir. İndiyədək 4 min 619 hektar sahənin taxılı biçilib, 13 min 395 ton məhsul əldə olunub. Hələlik hər hektardan orta məhsuldarlıq 29 sentner təşkil edir.

Bu barədə AZƏRTAC-ın bölgə müxbirinə rayon icra hakimiyyətindən məlumat verilib.

Rayonda fəaliyyət göstərən iri taxılçılıq təsərrüfatlarından olan “Muxax İstehsal Kooperativi”nin taxıl sahələrində isə biçin kampaniyası artıq yekunlaşmaq üzrədir. Təsərrüfatın rəhbəri Abdulla Mahmudovun bildirdiyinə görə, o, cari mövsümdə 220 hektar sahədə taxıl əkib, yaxşı da məhsul yetişib. Sahibkara məxsus taxıl sahələrində hər hektardan orta məhsuldarlıq 33 sentnerdən yüksəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.