REGİONLAR


Zərdabda kümçülərə ipəkqurdu toxumu paylanılıb

Zərdab, 30 aprel, AZƏRTAC

Zərdab rayonunda 2021-ci ilin məhsulu üçün Qax Damazlıq İpəkçilik Stansiyasından 1550 qutu ipəkqurdu toxumu gətirilərək kümçülərə paylanılıb.

Rayon icra hakimiyyətindən AZƏRTAC-ın bölgə müxbirinə bildirilib ki, bölgədə son illər vaxtilə ənənəvi sahə olan baramaçılıq sürətlə inkişaf edir. Təsadüfi deyildir ki, 2016-cı ildə cəmi 5710 kiloqram barama tədarük edilən bölgədə ötən il bu göstərici 61 ton 635 kiloqrama çatıb. Bu gəlirli sahə ilə məşğul olan kümçülərin sayı da artır və hazırda rayonda xeyli peşəkar baramaçı fəaliyyət göstərir. Zərdablı kümçülərdən 3 nəfəri 2-ci dərəcəli, 1 nəfər 3-cü dərəcəli “Əmək” ordeninə layiq görülüb. Kümçülər cari mövsümdə daha yüksək nəticələr əldə etmək əzmindədirlər. Rayonda ipəkqurduları bəsləmək üçün kifayət qədər yem bazası da vardır. Kümçülərə baramaqurduların itkisiz yetişdirilməsi ilə bağlı lazımi tövsiyə və tapşırıqlar verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.