"AtaBank"ın "Visa" plastik kart sahiblərinə əla fürsət
Bakı, 5 aprel, AZƏRTAC
"AtaBank" ASC və "Visa" beynəlxalq ödəmə sistemi müştərilərinə 2018-ci ildə Rusiyada keçiriləcək FIFA World Cup™ 2018 futbol üzrə Dünya Çempionatına getmək şansını qazanmaq imkanı verir.
Bankdan AZƏRTAC-a bildiriblər ki, martın 29-dan aprelin 29-dək keçiriləcək birgə lotereyada iştirak etmək üçün "AtaBank"ın istənilən "Visa" plastik kartı ilə Azərbaycanda və ya xaricdə, o cümlədən onlayn alış-veriş zamanı 10 manatdan başlayaraq nağdsız ödəniş etmək kifayətdir. Qeydiyyatdan keçmək üçün sadəcə POS-terminal vasitəsilə aparılan əməliyyatdan sonra təqdim edilən ödəniş qəbzinin detalları www.visa.com.az saytında xüsusi xanada qeyd edilməli, ödəniş qəbzi isə lotereya bitənədək saxlanılmalıdır. Aparılan əməliyyatların qeydiyyat sayı məhdudiyyətsizdir.
Ödənişləri "AtaBank" "Visa" plastik kartı ilə aparın və bu yay futbol həyəcanını canlı izləyin.
Qeyd edək ki, 1993-cü ildən fəaliyyət göstərən "AtaBank" ASC 100 faiz yerli kapitala malik, qabaqcıl texnologiyalı universal Azərbaycan bankıdır. Bank Bakıda və ölkənin müxtəlif regionlarında 31 filial və şöbəsi vasitəsilə korporativ və fərdi müştərilərə tam xidmətlər spektrini təqdim edir.
Bölmənin digər xəbərləri
