ALMANİYADA PKK-YA MƏXSUS DƏRNƏKDƏ ƏMƏLİYYAT-AXTARIŞ TƏDBİRLƏRİ APARILMIŞDIR
AZƏRTAC Türkiyənin Anadolu agentliyinə istinadla xəbər verir ki, 1993-cü ildən etibarən PKK terror təşkilatının fəaliyyətini qadağan edən Almaniyada təşkilata məxsus dərnəkdə keçirilmiş əməliyyat-axtarış tədbirləri nəticəsində iki nəfər həbs edilmişdir.
Almaniyanın Bremen şəhərində PKK-ya məxsus dərnəkdə aparılmış əməliyyat nəticəsində dərnəyi idarə edən iki nəfər tutulmuş, terror təşkilatına aid olan çox sayda sənədlər və kompyuterlər müsadirə edilmişdir.
Məlumata görə, Almaniyanın təhlükəsizlik orqanları ötən ildən bəri PKK-nın nəzarəti altında olan yerlərdə 135 əməliyyat həyata keçirmişlər. Əməliyyatlar zamanı terror təşkilatına xidmət edən xeyli sayda insan həbs olunmuşdur.
Bölmənin digər xəbərləri
