APRELDƏ DAĞ ÇAYLARINDA SULULUĞUN ARTIMI MÜŞAHİDƏ OLUNUR
Ekologiya və Təbii Sərvətlər Nazirliyinin Milli Hidrometerologiya Departamentinin məlumatına görə, temperatur rejiminin nisbətən yüksəlməsi ilə əlaqədar Böyük və Kiçik Qafqazın, eləcə də Lənkəran-Astara bölgəsinin dağ çaylarında sululuğun artımı müşahidə olunur.
Nazirliyin mətbuat xidmətindən AZƏRTAC-a bildirilmişdir ki, aprel ayının birinci ongünlüyündə Kür çayının Mingəçevir su anbarından aşağıda yerləşən operativ hidroloji məntəqələrində suyun səviyyəsində kəskin dəyişiklik müşahidə olunmamışdır.
Kür çayın Zərdab, Surra, Əlibayramlı, Salyan, Bankə və Araz çayın Novruzlu məntəqələrində isə suyun səviyyəsi nisbətən yuxarıdır.
Bölmənin digər xəbərləri
