AVROPA SAKİNLƏRİNİN TƏQRİBƏN 40 FAİZİ BİRCƏ DƏFƏ DƏ İNTERNETDƏN İSTİFADƏ ETMƏYİB
AZƏRTAC Avropa Komissiyasının məlumatına istinadən xəbər verir ki, son tədqiqatların məlumatına görə, Avropa sakinlərinin təqribən 40 faizi ömründə bir dəfə də olsun internetdən istifadə etməyib, bununla belə, təqribən 250 milyon avropalı şəbəkədən müntəzəm istifadə edir.
Məsələn, Rumıniya, Bolqarıstan və Yunanıstan vətəndaşlarının təqribən 60 faizi şəbəkənin verdiyi imkanlardan istifadə etmir, bununla yanaşı, onların əksəriyyəti hazırda pensiyada olan ahıl adamlardır. Eyni zamanda, Avropada elə ölkələr vardır ki, internet istifadəçilərinin əksəriyyəti orada yaşayır. Bunlar Niderland, Danimarka və Finlandiyadır.
Avropa komissiyasının bəyanatında deyilir ki, Avropa ölkələrinin, xüsusən, Şərqi Avropa ölkələrinin hökumətləri internetdən istifadə xidmətləri bazarını açmaq, ələlxüsus, bu xidmətlərin qiymətlərini azaltmaq və daha artıq müştəri cəlb etmək məqsədi ilə sabiq dövlət telekommunikasiya inhisarlarını stimullaşdırmaq üçün daha çox səy göstərməlidirlər.
Bölmənin digər xəbərləri
