Bakı, 6 dekabr (AZƏRTAC). Birləşmiş Ərəb Əmirliklərinin Şarja şəhərində Dünya oyunları davam edir.

AZƏRTAC xəbər verir ki, yarışda Azərbaycan Milli Paralimpiya Komitəsinin atletika üzrə (amputant idmançılar arasında) milli komandası 8 nəfərlik heyətlə iştirak edir.

Yarışda milli komandamız daha bir medal qazanmışdır. İdmançımız Vüqar Adışirinov üçtəkanla tullanma növündə 13 metr nəticə göstərərək gümüş medal qazanmışdır.

Xatırladaq ki, yarışda idmançılarımız Allahverdi Allahverdiyev yadro itələmə yarışlarında qızıl, Oloxan Musayev disk atmada gümüş, Hüseyn Həsənov uzunluğa tullanma və Mehman Ramazanzadə isə disk atma növündə bürünc medala sahib olmuşlar.

İdmançılar 2012-ci il London Yay Paralimpiya Oyunlarına lisenziya qazanmaq uğrunda mübarizə aparırlar.