AZƏRBAYCAN ORDUSUNUN MÖVQELƏRİ BİR NEÇƏ İSTİQAMƏTDƏ ATƏŞƏ TUTULMUŞDUR
Müdafiə Nazirliyinin mətbuat xidmətindən AZƏRTAC-a daxil olan məlumata görə, Ermənistan silahlı qüvvələrinin bölmələri aprelin 9-da saat 22.45-dən 22.55-dək Berd rayonu ərazisindəki mövqelərindən Azərbaycan Silahlı Qüvvələrinin Tovuz rayonunun Koxanəbi kəndi yaxınlığındakı mövqelərini, saat 09.35-dən 09.50-dək və saat 22.50-dən 23.05-dək Füzuli rayonunun ərazisindəki adsız yüksəkliklərdə və Ağdamın Qərvənd kəndi yaxınlığında yerləşən mövqelərdən, saat 19.20-dən 19.40-dək Tərtər rayonunun Çiləbürt kəndi yaxınlığında yerləşən mövqelərdən, saat 22.20-dən 22.30-dək Xocavənd rayonunun ərazisindəki adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
