AZƏRBAYCANLI İŞ ADAMLARI BARSELONADA KEÇİRİLƏN BİZNES-FORUMDA İŞTİRAK EDİRLƏR
AZƏRTAC xəbər verir ki, aprelin 6-da Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının təşkilatçılığı ilə yerli iş adamlarından ibarət numayəndə heyəti İspaniyanın Barselona şəhərinə yola düşmüşdür.
Səfərin məqsədi aprelin 8-də Barselonada keçiriləcək Azərbaycan və Barselona iş adamlarının biznes-forumunda iştirak etməkdir.
Forumda Azərbaycan və İspaniya iş adamlarının ikitərəfli görüşlərinin təşkili, birgə əməkdaşlıq imkanlarının araşdırılması və qarşılıqlı iqtisadi əlaqələrin yaradılması nəzərdə tutulur. Forumda iqtisadiyyatın müxtəlif sahələrində fəaliyyət göstərən 30-a yaxın ispan şirkətinin iştirakı gözlənilir. Səfər aprelin 11-dək davam edəcəkdir.
Bölmənin digər xəbərləri
