Babək rayonunda 682 hektarda yazlıq əkin aparılıb
Babək, 12 aprel, AZƏRTAC
Cari ilin bol məhsulunun əsasını qoymaq üçün Babək rayonunda şum qaldırılması, toxum səpini və əkilmiş sahələrin suvarılması işləri görülür.
Babək Rayon İcra Hakimiyyətindən AZƏRTAC-ın Naxçıvan bürosuna bildirilib ki, bu günədək bölgədə 901 hektarda şum qaldırılıb, 682,5 hektar sahədə yazlıq əkin keçirilib. Bunun 288,9 hektarını yazlıq arpa təşkil edir. Torpaq mülkiyyətçiləri 18,3 hektarda tərəvəz əkiblər ki, bunun da 6,6 hektarı sarımsaq, 5,3 hektarı soğandır. 184,5 hektarda dən yonca, 14,9 hektarda noxud, 12 hektarda kartof, 21,2 hektarda günəbaxan əkilib.
Rayonda hər il bostan bitkiləri üzrə məhsuldarlıq yüksək olur. Bu günədək rayonda 142,7 hektar sahədə bostan bitkiləri əkilib.
Torpaq mülkiyyətçiləri əlverişli keçən hava şəraitindən istifadə edərək mövsümü uğurla başa çatdırmağa çalışırlar.
Bölmənin digər xəbərləri
