Bakı-Xarkov sərnişin qatarının marşrutu Kiyev stansiyasına kimi uzadılır
Bakı, 11 aprel, AZƏRTAC
Aprelin 21-dən etibarən 369-370 nömrəli Bakı-Xarkov sərnişin qatarının marşrutu Kiyev stansiyasına kimi uzadılacaq.
“Azərbaycan Dəmir Yolları” Qapalı Səhmdar Cəmiyyətinin ictimaiyyətlə əlaqələr şöbəsindən AZƏRTAC-a bildirilib ki, aprelin 21-dən etibarən yeni 369-370 nömrəli Bakı-Kiyev qatarı təyin edilir. Qatar Xarkov, Poltava, Mirqorod və Lubnı stansiyalarından keçəcək.
Qatar Bakıdan həftədə bir dəfə - həftənin IV günləri saat 01.35-də yola düşəcək, Kiyev stansiyasına həftənin I günləri saat 11.46-da çatacaq və həmin gün saat 14.37-də əks istiqamətə yola düşəcək.
Qeyd edək ki, Bakı-Kiyev-Bakı qatarı Bakıya aprelin 26-dan etibarən həftənin IV günləri saat 04.10-da çatacaq.
Bölmənin digər xəbərləri
