BAKIDA FRANSIZ KİNOKLUBU AÇILACAQ
Fransanın Azərbaycandakı səfirliyinin mədəniyyət şöbəsindən AZƏRTAC-a bildirmişlər ki, aprelin 23-də “İbrus” teatrında Fransız kinoklubunun açılışı olacaqdır. Kinosevərlərə 50 il bundan əvvəl fransız rejissoru Jak Tatinin çəkdiyi “Mənim dayım” filmi təqdim olunacaqdır. Film səfirliyin teatrla birgə hazırladığı planda göstərilməsi nəzərdə tutulan ilk ekran əsəridir.
Məlum səbəblərə görə, Fransa filmlərinin heç də hamısı sovet ekranlarında nümayiş etdirilməmişdir. Odur ki, təşkilatçıların ideyasına görə, “İbrus” kinosalonunda ayda bir dəfə ötən illərin kinolentləri nümayiş olunacaqdır. Bundan başqa, klubun açılışından sonra kinosevərlərə “Yeni istiqamət” silsiləsindən üç kinolent təklif ediləcəkdir.
Bölmənin digər xəbərləri
