MƏDƏNİYYƏT
Binəqədi rayon kitabxanalarında ümummilli lider Heydər Əliyevin xatirəsini anma günü münasibətilə söhbət və sərgilər keçiriləcəkdir
Bakı, 7 dekabr (AZƏRTAC). Dekabrın 12-də Binəqədi Rayon Mərkəzləşdirilmiş Kitabxana Sisteminin (MKS) filiallarında ümummilli lider Heydər Əliyevin xatirəsini anma günü münasibətilə söhbət və sərgilər keçiriləcəkdir.
Kitabxanadan AZƏRTAC-a bildirmişlər ki, MKS-in filiallarında ümummilli lider, müstəqil Azərbaycan dövlətinin memarı və qurucusu Heydər Əliyevi anma günü münasibətilə “Ulu öndərin xatirəsi daim yaşayacaq”, “Heydər Əliyev - Azərbaycanın özü qədər əbədi”, “Əbədiyaşarlıq zirvəsi”, “Mərdlik, cəsarət, hünər mücəssəməsi”, “Heydər Əliyev heç vaxt unudulmayacaq tarixi şəxsiyyətdir” və s. mövzularda söhbət və sərgilər keçiriləcəkdir.
Kitabxanalarda dahi şəxsiyyətin xalq qarşısında böyük xidmətlərindən söhbət açılacaq, həyat və fəaliyyəti haqqında kitablar nümayiş etdiriləcəkdir.