BMT-nin Baş katibi ümumi debatlar ərəfəsində Sülh zəngini çalıb
Bakı, 14 sentyabr, AZƏRTAC
BMT-nin Baş katibi Antonio Quterreş Sülh zənginin çalındığı illik mərasimdəki çıxışında bir daha bütün dünyada sülh və əmin-amanlıq haqqında çağırışla müraciət edib.
AZƏRTAC xarici KİV-lərə istinadla xəbər verir ki, bu tədbir BMT-nin Nyu-Yorkdakı mənzil-qərargahında, Yapon bağında - gələn həftə dünya liderlərinin BMT-nin Baş Assambleyasında çıxış edəcəyi ümumi debatların başlanması ərəfəsində keçirilib.
1954-cü ildə sülh uğrunda mübarizənin yapon fəalı Nakaqava Tiyodzi tərəfindən bağışlanılan Sülh zəngi BMT-nin üzvü olan ölkələrin topladığı sikkələrdən hazırlanıb.
Nakaqavanın qızı Takase Seyko və Yaponiyanın BMT yanında daimi nümayəndəsi İsikane Kimixiro mərasim iştirakçıları arasında olublar.
Quterreş zəngi çalmazdan əvvəl çıxış edib. O bildirib ki, sülhə görə “təkcə hökumətlər və ya prezidentlər cavabdeh deyillər. Sülh - bizim hər birimizə məxsus olan işdir”.
Bölmənin digər xəbərləri
