DÜNYA
Britaniya ulduz falı (21-27 may)
QOÇLAR niyyətlərini həyata keçirə biləcəklər. Yaxşı işgüzar əhval-ruhiyyə, dünyaya nikbin baxışlar istənilən məsələnin öhdəsindən gəlməyinizə kömək edəcəkdir. Bu proqnoz xüsusilə maliyyələşdirmə və köhnə borcların geri qaytarılması məsələlərinə aiddir. Yupiterin xeyirli təsiri ilə doğmalarınızla canbir qəlbdə olacaqsınız
BUĞALAR bu həftə hiss edəcəklər ki, onların peşəkar xidmətlərinə tələbat xeyli artıbdır. Maliyyə məsələləri sahəsində bacarığınızı nümayiş etdirmək imkanınız olacaqdır. Əldə etdiyiniz uğur işinizi nə dərəcədə məsuliyyətlə və metodik şəkildə yerinə yetirməyinizə mütənasib olacaqdır. Vaxt çatışmazlığı üzündən aranız dəyən dostlarla münasibətləriniz düzələcəkdir. Yaddan çıxarmayan ki, mükəmməl insan yoxdur.
ƏKİZLƏR üçün işgüzar ünsiyyətin nəticəsi gözlənilməz olacaqdır. İstədiyinə nail olmaq isə asan məsələ deyildir. Məsələ heç də öz fikirlərini izah edib-edə bilməmək bacarığında deyildir. Sadəcə, kimsə sizi dinləmək istəmir. Anlaşılmazlıq divarını uçurmağa çalışmayın. Təmiz havada gəzmək, idmanla məşğul olmaq lap yerinə düşər. Onda sonu görünməyən problemlərin necə asanlıqla, öz-özünə həll olunduğunu öz gözlərinizlə görəcəksiniz. Bir neçə gündən sonra həmkarlarınızdan xoş xəbərlər eşidəcəksiniz.
XƏRÇƏNGLƏRƏ astroloqlar ehtiyatlı olmağı məsləhət görürlər. Ola bilsin, biznesiniz üçün taleyüklü olan qərarlar qəbul etməli olacaqsınız. İndi bir o qədər də əlverişli zaman deyildir. Başqalarının təsiri altına düşüb arzu olunanı gerçəklik kimi qəbul edə bilərsiniz. İmkan daxilində mühüm danışıqlarda iştirak etməkdən vaz keçin, artıq razılaşdırılmış planların icrasını təxirə salın. Müəyyən müddət keçdikdən sonra qarşınızdakı perspektivləri daha aydın və sağlam şəkildə dəyərləndirə bilərsiniz.
Ulduzların xüsusi düzülüşü ŞİRLƏRƏ bütün cəbhələrdə vəziyyətin yaxşılaşacağını vəd edir. Sizi təqib edən çətinliklər geri çəkiləcəkdir. Emosional baryerləri dəf edib, yeni anlayış səviyyəsinə çıxacaqsınız. Maliyyə məsələlərinin təşkilinə sərf etdiyiniz vaxta heyfiniz gəlməsin, çünki xeyli dividend qazanacaqsınız.
QIZLAR emosional vəziyyətlərdən qaçmalıdırlar. Gələcək planlarınızı hətta ən yaxın dostlarınızdan belə gizlətməlisiniz. Gündəlik işinizi görməyə davam edin və sizi təhrik edən dedi-qodulara fikir verməyin. Gündəlik yeknəsəklikdən uzaqlaşın, yumor hissinizi işə salın.
TƏRƏZİLƏR ümidlərini taleyin gərdişinə bağlamaqla, riskə gedib gələcəkləri ilə oynamamalıdırlar. Nüfuzunuza xələl gətirməmək üçün apardığınız maliyyə əməliyyatlarının şəffaflığına xüsusi diqqət yetirməlisiniz. Eyni zamanda sükan arxasında diqqətli olmalı, sürəti nəzarətdə saxlamalı, başınızın ağrımaması üçün təhlükəsizlik tədbirlərinə məhəl qoymayan sürücülərə həmişə yol verməlisiniz.
ƏQRƏBLƏR işgüzar tərəfdaşları ilə münasibətlərini korlamamaq üçün yaxın günlərdə diplomatik məharətlərini işə salmalıdırlar. Anlaşılmazlıqdan qaçmağın ən yaxşı yolu kompromis yoludur. Onun barışdırıcı effekti birgə işin nəticələrinə müsbət təsir göstərəcəkdir. Hadisələr burulğanının doğurduğu gərginlikdən qurtulmağınıza plan qurmağınız kömək edəcəkdir. Vaxtınızın və ilhamınızın bir hissəsini bu işə həsr etməlisiniz. Həftə sonu ulduzlar sizə xoş sürpriz vəd edirlər.
Plutonun təsirinin OXATANLAR üçün yaratdığı bəzi çətinliklər geridə qalacaqdır. Həmin çətinliklərinizin nəticələrini saf-çürük etmək, qazanc əldə etmək üçün sizə əla imkanlar verilir. Uzun-uzadı düşünməyin. Bu bərəkətli dövrün ömrü qısa ola bilər. Uzun müddət təxirə salınan layihəni və yaxud biznesinizin yenidən qurulması ilə bağlı ortaqlarınıza təqdim etdiyiniz planı həyata keçirmək vaxtı görünür indi çatıbdır.
OĞLAQLAR gələn həftə bir çox innovasiyalı ideyalarını həyata keçirəcəklər. Böyük araşdırma aparmaq və sizi narahat edən suallara cavab tapmaq lazımdır. Həmkarlarla fikir mübadiləsi səmərəli nəticələr verəcəkdir. Gözləmədiyiniz halda, doğmalarınızdan biri sizə baş çəkəcəkdir.
Mürəkkəb vəziyyətlərdən çıxış yolları axtaran DOLÇALARIN ən böyük müttəfiqi arxayınlıq hissi və təmkinli davranmaları olacaqdır. Astroloqlar, həmçinin daşınmaz əmlak almaqla bağlı məsələlərdə yalnız özünüzə güvənməyi məsləhət görürlər.
BALIQLARIN kefini mağazalara yürüş etmək durulda bilər. Amma hər halda ifrata varmaq lazım deyildir. Pulunuzu göyə sovurmağı məsləhət görən “xeyirxahlarınızı” yerində oturtmaq lazımdır. Aldığınız malların və sizə göstərilən xidmətlərin haqqını ödəmək üçün sizə təqdim edilən hesabı yoxlamalısınız. Rəhbərliklə uzun və lüzumsuz mübahisələrə girişməyin mənası yoxdur, çünki pis vəziyyətdə qalan siz olacaqsınız.