Çində meşə yanğınında 30 yanğınsöndürən itkin düşüb
Pekin, 1 aprel, AZƏRTAC
Çində dağlıq ərazidəki meşədə baş verən yanğını söndürməyə cəlb olunmuş 30 yanğınsöndürən itkin düşüb.
AZƏRTAC xəbər verir ki, martın 30-da Siçuan vilayətində dəniz səviyyəsindən 3800 metr yüksəklikdə yerləşən meşədə başlayan yanğını söndürməyə 700 nəfərə yaxın canlı qüvvə, helikopterlər cəlb olunub. Küləkli hava şəraiti yanğının güclənməsinə və daha geniş əraziyə yayılmasına səbəb olub. Yerli hökumətin məlumatına əsasən itkin düşən yanğınsöndürənlərlə əlaqə martın 31-də kəsilib.
Hazırda yanğının söndürülməsi və itkin düşənlərin axtarış işləri davam etdirilir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
