Daşkəsəndə meşə zolağında təmizlik aksiyası keçirilib
Daşkəsən, 8 avqust, Vüsalə Cənnətova, AZƏRTAC
Daşkəsənin Xoşbulaq kəndində meşə zolağında təmizlik aksiyası keçirilib.
AZƏRTAC-ın bölgə müxbiri xəbər verir ki, rayon icra hakimiyyətinin təşkilatçılığı, Gənclər və İdman Nazirliyinin ”Gənclər düşərgəsi” iştirakçılarının təşəbbüsü ilə reallaşdırılan aksiyanın məqsədi ətraf mühitin məişət və digər tullantılarla çikləndirilməsinin qarşısının alınması, ekoloji maarifləndirməni gücləndirmək, insanların təbiətə münasibətində müsbət dəyişikliklərə nail olmaqla ekoloji vəziyyətin yaxşılaşdırılmasında ictimaiyyətin rolunu artırmaq olub. Zəruri sanitar ləvazimatlarla təchiz olunmuş könüllülər meşə ərazisindəki plastik və digər məişət tullantılarını toplayaraq, aidiyyəti üzrə təhvil veriblər. Bununla yanaşı, istirahət üçün əraziyə üz tutmuş vətəndaşlar arasında maarifləndirici söhbətlər aparıb, təbiətin mühafizəsi və tullantıların düzgün idarə olunmasının vacibliyini diqqətə çatdırıblar.
Qeyd edək ki, Xoşbulaq kəndi Daşkəsənin turistlər tərəfindən ən çox ziyarət olunan, təbiət mənzərələri ilə seçilən istirahət məkanlarından biridir.
Bölmənin digər xəbərləri
