SİYASƏT
Düşmən cavab atəşi ilə susdurulmuşdur
Bakı, 22 may (AZƏRTAC). Ermənistan silahlı qüvvələrinin bölmələri mayın 21-də saat 14.20-dən 14.25-dək Füzuli rayonunun Qorqan, saat 21.45-dən 21.55-dək Xocavənd rayonunun Kuropatkino, saat 23.45-dən 23.50-dək və mayın 22-də 03.10-dan 03.30-dək Ağdam rayonunun Yusifcanlı və Qaraqaşlı, saat 05.46-dan 06.00-dək Goranboy rayonunun Tapqaraqoyunlu kəndləri yaxınlığında yerləşən mövqelərdən Azərbaycan Ordusunun üzbəüz mövqelərini atəşə tutmuşlar.
Müdafiə Nazirliyinin mətbuat xidmətindən AZƏRTAC-a bildirmişlər ki, erməni silahlı birləşmələri elə həmin gün saat 03.05-dən 03.30-dək Ermənistanın Noyanberyan rayonunun Voskevan kəndində yerləşən mövqelərindən Azərbaycan Silahlı Qüvvələrinin Qazax rayonunun Quşçuayrım kəndində yerləşən üzbəüz mövqelərini avtomat və pulemyotlardan atəşə tutmuşlar.
Düşmən cavab atəşi ilə susdurulmuşdur.