ELEKTRON SAĞLAMLIQ KARTI SİSTEMİNDƏKİ PROSEDURLAR TƏKMİLLƏŞDİRILİR
AZƏRTAC xəbər verir ki, Səhiyyə Nazirliyində elektron sağlamlıq kartı sisteminə keçidlə əlaqədar toplantı keçirilmişdir.
Toplantıda Səhiyyə Nazirliyinin əməkdaşları ilə yanaşı, doğum evlərinin baş həkimləridə iştirak etmişlər.
Elektron sağlamlıq kartı sistemindəki bəzi proseduraların təkmilləşdirilməsi ilə əlaqədar müxtəlif mövzularda müzakirələr aparılmışdır.
Müzakirələr nəticəsində yeni doğulmuş uşaq haqqında məlumatların təkrarlanmasının qarşısının alınması və məlumatların dolğunluğunun təmin edilməsi məqsədi ilə unikallığı təmin edən kodun əvəzləmə vərəqəsində və uşağın inkişaf tarixində qeyd edilməsi və yeni doğulmuş uşağın poliklinikada bu kod vasitəsilə qeydiyyata alınması qərara alınmışdır.
Toplantıda eyni zamanda elektron sağlamlıq kartı sisteminin tətbiqi zamanı qarşıya çıxan digər problemlər və onların həlli yolları geniş müzakirə olunmuşdur.
Bölmənin digər xəbərləri
