ELMİ PRAKTİK KONFRANS KEÇİRİLMİŞDİR
Konfransı giriş sözü ilə açan AMEA Naxçıvan bölməsinin sədri, akademik İsmayıl Hacıyev Hüseyn Cavid yaradıcılığından danışmış, bu gün naxçıvanlıların ziyarətgahına çevrilən möhtəşəm məqbərədə uyuyan görkəmli şair və dramaturqun nəşinin uzaq Sibirdən Naxçıvana gətirilməsində möhtərəm Heydər Əliyevin misilsiz xidməti olduğunu xüsusi vurğulamışdır.
Universitetin Azərbaycan ədəbiyyatı kafedrasının müdiri, professor Yavuz Axundlunun “Hüseyn Cavidin ömür yolu və sənət dünyası”, pedaqogika və psixologiya kafedrasının müəllimi Kamal Camallının “Hüseyn Cavidin pedaqoji görüşləri”, Azərbaycan MEA Naxçıvan bölməsinin İncəsənət, Dil və Ədəbiyyat İnstitutunun elmi işçisi Zülfiyyə İsmayılın “Hüseyn Cavid və ədəbi dil məsələləri” mövzusunda məruzələri dinlənilmişdir.
Bölmənin digər xəbərləri
