DÜNYA
FRANSADA 18,4 TON QAÇAQMAL SİQARET TUTULMUŞDUR
Paris, 13 fevral (AZƏRTAC). Fransanın gömrük xidmətinin əməkdaşları ölkənin Sen-Maritim departamentinin Avr limanında 18,4 ton qaçaqmal siqaret tutmuşlar. Bu barədə büdcə nazirliyi məlumat yaymışdır.
Məlumatda bildirilir ki, Çindən gələn iki konteyner gömrük işçilərini şübhəyə salmışdır. Onlar konteynerləri açarkən içərisində gizli yolla ölkəyə keçirməyə cəhd göstərilən siqaret aşkar etmişlər.
Üzərində Amerika və İngiltərədə istehsal olunduğu göstərilən siqaretlər laboratoriyada analizdən keçirilərkən onların insan orqanizmi üçün təhlükəli olduğu müəyyənləşdirilmişdir.
Bu qədər siqaretin qara bazarda qiymətinin 4 milyondan artıq olduğu müəyyənləşdirilmişdir.
Büdcə naziri müvəffəqiyyətli əməliyyata görə gömrük xidməti əməkdaşlarına öz təşəkkürünü bildirmişdir.
Əsgər Əliyev
AZƏRTAC-ın xüsusi müxbiri
Paris