Fransada institusional islahatların əsas istiqamətləri elan edilib
Paris, 5 aprel, AZƏRTAC
Fransanın baş naziri Eduard Filip prezident Emmanuel Makronun istədiyi institusional islahatların əsas istiqamətlərini elan edib.
Bildirib ki, bu nə IV Respublikaya dönüş, nə də VI Respublikaya keçid deyil. Bu, V Respublikanın mənbəyinə dönüşdür.
İslahatlar üç istiqamətdə - ümumi qanun layihəsi (proporsional seçkinin miqdarı, yeni seçki kartı), əsas qanun layihəsi (parlamentarilərin sayının azaldılması və bir neçə vəzifə tutmağın ləğv edilməsi) və Konstitusiyaya yenidən baxılması (islahatlar, Konstitusiyada Ədalət məhkəməsini ləğv etmək, Korsika, parlament ritmi) təqdim olunub.
2019-cu ilədək başa çatacaq institusional islahatlar aşağıdakılardan ibarətdir: ölkədə parlamentarilərin sayının 30 faiz azaldılması, parlament seçkilərinə proporsional seçki sistemini daxil etmək, deputatlar 3 dəfə seçilə bilərlər, sabiq prezidentlərin Konstitusiya Şurasına üzv olması ləğv edilir, respublika Konstitusiyasında Korsika öz yerini tutacaq, Ədalət Palatası adlanan qurum ləğv olunacaq və apelyasiya məhkəməsi ilə əvəz olunacaq.
Bölmənin digər xəbərləri
