Gədəbəy şəhərində 10-a yaxın küçədə yollar yenidən qurulur
Gədəbəy, 25 noyabr, Vüsalə Cənnətova, AZƏRTAC
Gədəbəy şəhərində aparılan abadlıq-quruculuq tədbirləri çərçivəsində 9 küçədə yolların yenidən qurulması işləri aparılır.
Rayon icra hakimiyyətindən AZƏRTAC-ın bölgə müxbirinə verilən məlumata görə, hazırda işlər Xocalı, Nizami Gəncəvi, Rafiz Əliyev, Əliağa Şıxlinski küçələrində aparılır. Nəqliyyat vasitələrinin və əhalinin rahat hərəkətinin təmin edilməsi üçün küçələrə ilkin olaraq qum-çınqıl qarışığı tökülür, xüsusi texnika vasitəsilə kipləşdirmə işləri aparılır, daha sonra isə asfalt örtüyü salınır.
Asfaltlama işləri Koroğlu, Nəriman Nərimanov, Cavanşir Ağayev, Şöhrət Qasımov küçələrində də həyata keçiriləcək.
Bölmənin digər xəbərləri
