“GOOGLE TRANSLATE” SİSTEMİNƏ AZƏRBAYCAN DİLİ ƏLAVƏ OLUNMUŞDUR
Bakı, 18 may (AZƏRTAC). “Google” şirkəti onlayn-tərcümə sistemi olan “Google Translate” proqramına daha beş dil əlavə etməklə öz potensialını genişləndirmişdir.
Rabitə və İnformasiya Texnologiyaları Nazirliyindən bildirmişlər ki, proqrama əlavə edilən yeni dillər arasında Azərbaycan dili də vardır. Bundan sonra istifadəçilər bu proqram vasitəsilə mətnləri həm Azərbaycan dilindən, həm də Azərbaycan dilinə tərcümə edə biləcəklər.
Bununla da “Google Translate” onlayn-tərcümə sistemində təqdim olunan dillərin sayı 57-yə çatmışdır.
“Google” şirkəti Azərbaycan dilinin dəstəklənməsini ALPHA versiyasında təqdim etmişdir. Bu isə o deməkdir ki, sistemin tərcümə imkanları getdikcə təkmilləşdiriləcəkdir. Hazırda sistem sadə sözləri rahat tərcümə edir, mətnin tərcüməsi isə hələ işlənilməlidir.
Bölmənin digər xəbərləri
