Gürcüstan parlamentində deputatlar əlbəyaxa olublar
Tbilisi, 30 may, AZƏRTAC
Gürcüstan parlamentində deputatlar arasında dava düşüb.
Əvvəlcə müstəqil deputat Levan Qoqiçaişvili ilə parlament çoxluğunun üzvü Mixail Kavelaşvili arasında mübahisə olub. Sonra onlar əlbəyaxa olublar və biri-birinə fiziki güc tətbiq ediblər.
Sonradan hakim Gürcü Arzusu-Demokratik Gürcüstan partiyasının deputatı Muxran Vaxtanqadze mübahisəyə qoşulub.
Təhlükəsizlik qüvvələri deputatları zaldan çıxarıblar. Onların əlbəyaxa davası dəhlizdə də davam edib. Müstəqil deputatın xəsarət aldığı bildirilir. Təhlükəsizlik qüvvələrinin əməkdaşları jurnalistləri hadisəni lentə almağa imkan verməyiblər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
