ELM VƏ TƏHSİL
IBM süni intellekt proqramlarının hazırlanması üçün yeni platforma istifadəyə verib
Bakı,14 dekabr, AZƏRTAC
IBM şirkəti süni intellekt proqramları, çat-botlar, blokçeyn-sistemlər və bulud texnologiyalarının tez bir zamanda hazırlanması üçün “Coder Community” açıq platformasını istifadəyə verib. Burada müxtəlif proqramların 120-dən çox kod şablonu yerləşdirilib.
AZƏRTAC “nanonewsnet.ru” saytına istinadla xəbər verir ki, platforma çərçivəsində daha bir pulsuz xidmət “IBM Bot Asset Exchange” fəaliyyət göstərəcək. Sistem çərçivəsində bank, səhiyyə, fitnes, pərakəndə ticarət sahələri üçün 60 hazır dialoq interfeysi əlyetərli olacaq.
Bu platforma istehsalçılar arasında informasiya mübadiləsi məkanı olacaq. IBM-in əsas məqsədi öz texnologiyası olan “IBM Watson” süni intellektinin yayılmasıdır.