İlin dörd ayında Türkiyədə qəzalar səbəbindən ölənlərin sayı 33 faiz azalıb
İstanbul, 7 may, AZƏRTAC
Türkiyə Polis Təşkilatının asayişin mühafizəsi idarəsinin rəisi Celal Uzunkaya 2019-cu ilin ilk dörd ayında baş verən qəzalar səbəbindən ölənlərin sayının ötən ilin müvafiq dövrü ilə müqayisədə 33 faiz, yaralananların isə 12,8 faiz azaldığını bildirib.
AZƏRTAC xəbər verir ki, məlumata əsasən, ölkədə baş verən yol-nəqliyyat hadisələri nəticəsində ölənlərin sayı 40,3, yaralananların isə 13,6 faiz azalıb.
C.Uzunkayanın sözlərinə görə, 2012-ci ildə qəbul olunan “Yol Təhlükəsizliyi Strategiyası və Fəaliyyət Planı”na əsasən ölkədə aparılan işlər nəticəsində 2020-ci ildə yol-nəqliyyat hadisələri zamanı baş verən ölüm hallarının 50 faiz azalacağı nəzərdə tutulur. Bu məqsədlə Türkiyədə həyata keçirilən təbliğat kampaniyaları və sosial təşəbbüslərin önəmi qeyd edilib.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
