MƏDƏNİYYƏT
Macarıstan jurnalisti Viktor Brugo: Mən vətənimə qayıdanda hamıya deyəcəyəm ki, heç olmasa həyatınızda bircə dəfə Bakını ziyarət edin
Bakı, 21 may (AZƏRTAC). Mən vətənimə qayıdanda hamıya deyəcəyəm ki, heç olmasa həyatınızda bircə dəfə Bakını ziyarət edin. Bakı dünyanın ən gözəl şəhərlərindən biridir.
Bu sözləri AZƏRTAC-a müsahibəsində “Eurovision-2012” mahnı müsabiqəsini işıqlandırmaq üçün ölkəmizə gəlmiş Macarıstan jurnalisti Viktor Brugo demişdir. Artıq bir neçə gündür Bakıda olduğunu bildirən Viktor Brugo şəhərimizin, İçərişəhərin, Qız qalasının çox gözəl olduğunu vurğulamış, həmçinin metronun bütün tələblərə cavab verdiyini diqqətə çatdırmışdır. Jurnalist demişdir ki, Azərbaycan xalqı çox mehriban və qayğıkeşdir.
Viktor Brugo Mətbuat Mərkəzinin fantastik dərəcədə gözəl olduğunu bildirmişdir. Burada çoxlu texniki avadanlıq, kompyuter var, hər şey moderndir. Jurnalistlərin işləməsi üçün çox yaxşı şərait yaradılmışdır, internet sürətlidir.
“Eurovision-2012” mahnı müsabiqəsi iştirakçılarının ifalarını yüksək qiymətləndirən Viktor Brugo hamıya uğurlar arzulamışdır.