MOLDOVA İNCƏSƏNƏT USTALARI BAKI FİLARMONİYASININ SƏHNƏSİNDƏ
Mədəniyyət və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, aprelin 23-25-də Azərbaycanda Moldova mədəniyyəti günləri keçiriləcəkdir.
Moldovanın tanınmış incəsənət ustalarından ibarət nümayəndə heyəti Azərbaycan Dövlət Filarmoniyasının səhnəsində tamaşalardan parçalar, musiqi nömrələri ilə çıxış edəcəklər.
Qarşılıqlı mədəniyyət günlərinin keçirilməsi qərarı hökumətlərarası komissiyanın 2006-cı ilin fevralında keçirilən iclasında qəbul edilmişdir. Ötən ilin mayında Moldovada Azərbaycan mədəniyyəti günləri keçirilmişdir. Bu baxımdan, Moldova nümayəndə heyətinin cavab səfəri iki ölkə arasında mədəniyyət sahəsində əlaqələrin möhkəmlənməsindən xəbər verir.
Bölmənin digər xəbərləri
