“NAR MOBİLE” YENİ UDUŞ AKSİYASI KEÇİRİR
“Azerfon” MMC (“Nar Mobile” ticarət nişanı) aprelin 18-dən iyulun 20-dək yeni uduş aksiyası keçirir. “Əylən və qazan” aksiyasına qoşulan abunəçilər hədiyyə-notbuk, iPod, yaddaş kartı qazanmaq imkanı əldə edəcəklər.
Şirkətdən AZƏRTAC-a bildirmişlər ki, “Nar Mobile” menyu bələdçisinin SMS-info, SMS-abunə, realton, video, JAVA oyunlar və ya Fultrek bölmələrindən hər hansı bir kontenti sifariş etmiş abunəçi aksiya iştirakçısı olacaqlar. Abunəçi hər bir şifariş üçün bal qazanacaqdır.
100 bal toplamış aksiya iştirakçısı 1 musiqi parçası, oyun və ya video çarxı pulsuz yükləmək imkanını əldə edəcəkdir. Ən çox bal toplamış abunəçilər aksiyanın qalibləri elan olunacaq və qiymətli hədiyyələrin sahiblərinə çeviriləcəklər.
Qaliblərin adları iyulun 23-dən gec olmayaraq www.narmobile.az və www.narfun.com saytlarında elan olunacaqdır. Aksiya iştirakçıları qalib olduqları haqda SMS şəklində xüsusi bildiriş alacaqlar.
Qeyd edək ki, Menyu Bələdçi, İnteraktiv Bələdçi və İnternet Bələdçisi “Mən və Nar Mobile sərbəst idarəetmə sistemi”nin tərkib hissəsidir, abunəçilərə real vaxt rejimində ayarları sərbəst şəkildə dəyişdirmək imkanı verir.
Daha ətraflı məlumat üçün www.narmobile.az saytına daxil olmaq və ya 7775 nömrəsinə zəng etmək kifayətdir.
Bölmənin digər xəbərləri
