MƏDƏNİYYƏT
“Öz məşəlini alovlandır”
“Buranovskiye babuşki” qrupu liderliyi əldən vermişdir
Bakı, 21 may (AZƏRTAC). Mətbuat Mərkəzində fanatlar və jurnalistlər arasında keçirilən səsvermənin nəticələrinə görə “Buranovskiye babuşki” qrupu liderliyi əldən vermişdir.
AZƏRTAC xəbər verir ki, mayın 21-də saat 23:00-a olan məlumata görə, birinci yarımfinalın iştirakçıları arasında bir neçə gündür ki, liderlik edən rusiyalı nənələr qrupu 435 səslə üçüncü yerdədir. Birinci yerdə isə 445 səslə Yunanıstanı bu yarışmada təmsil edən Eleftheria Eleftherioudur. Rumıniyanı təmsil edən “Mandinga” qrupu isə ikinci yerin sahibi olmuşdur.
Mətbuat Mərkəzində fan-klubun üzvlərinin və jurnalistlər arasında təşkil olunmuş səsvermənin nəticələrinə görə ikinci yarımfinalın iştirakçılarına liderliyi isə 462 səslə İsveç təmsilçisi Loren edir. Həmin yarımfinalın ikinci pilləsində yenə də 452 səslə serbiyalı təmsilçi Zeljko Yoksimoviç, üçüncü yerdə isə 427 səslə Norveç müğənnisi Touraj Keshtkardır.