Paolo Centiloni Angela Merkelə telefonla zəng edib
Roma, 14 aprel, AZƏRTAC
İtaliyanın baş naziri Paolo Centiloni beynəlxalq münasibətlərdə son zamanlar yaranmış gərginliyi nəzərə alaraq Suriya məsələsi ilə bağlı Almaniya kansleri Angela Merkelə telefonla zəng edib.
AZƏRTAC İtaliyanın ANSA agentliyinə istinadən xəbər verir ki, söhbət zamanı İtaliyanın baş naziri Suriyada davam edən vətəndaş müharibəsində kimyəvi silahdan istifadə olunmasını qətiyyətlə pisləyib, tətbiqinin hər bir tərəf üçün yolverilməz olduğunu vurğulayıb.
Telefon danışığı zamanı Suriyadakı vəziyyət müzakirə olunub. Tərəflər Suriyadakı dinc əhaliyə qarşı kimyəvi silahdan istifadə olunmasının dünyanın qınağına tuş gəldiyini bir daha qeyd ediblər.
Asiman Əsədov
AZƏRTAC-ın xüsusi müxbiri
Roma
Bölmənin digər xəbərləri
