Peruda denge qızdırmasına 6 mindən çox yoluxma halı qeydə alınıb
Bakı, 2 fevral, AZƏRTAC
Peru hökuməti ölkədə denge qızdırmasına yoluxma hallarının 6618-ə çatması ilə əlaqədar epidemioloji xəbərdarlıq elan edib.
AZƏRTAC xarici mənbələrə istinadla xəbər verir ki, Səhiyyə Nazirliyi tərəfindən bütün tibb müəssisələri üçün verilən xəbərdarlıq epidemioloji nəzarətə riayət edilməsi, eləcə də laboratoriya tədqiqatlarının nəticələrinin təhlil edilməsi məqsədini daşıyır. Nazirlik ağcaqanadlar kimi virus ötürücüləri ilə mübarizəni gücləndirmək niyyətindədir.
Səhiyyə Nazirliyinin məlumatına görə, Peruda denge qızdırmasına qeydə alınmış 6618 yoluxma halından 2654-ü təsdiq olunub, 3964-ü isə ehtimal edilən qismində qeydə alınıb. Bundan başqa, Kusko və La-Libertad regionlarında iki və San-Martin, Pyur, Xunin və Amazonasda dörd ölüm halı haqqında məlumat verilir. Ölüm halları ilə bağlı istintaq aparılır.
Denge reproduksiyası istənilən konteynerdə təmiz durğun suda baş verən Aedes aegypti ağcaqanadı vasitəsilə ötürülən virus xəstəliyidir.
Xəstəliyin simptomları yüksək temperatur, başağrısı, gözağrısı, səpki, əzələ və damar ağrısı, narahatedici əlamətləri isə güclü və davamlı qarın ağrısı, fasiləsiz qusma, selikli qişalar, burun və diş ətindən qanaxma, yuxululuq, əsəbilik və zəiflikdir.
Hazırda denge qızdırmasına yoluxma halları ölkənin 20 regionunda qeydə alınıb və bu xəstəlikdə artım tendensiyası müşahidə olunur.
Bölmənin digər xəbərləri
