“Şəhidimin hekayəsi” filminin təqdimatı olacaq
Bakı, 1 aprel, AZƏRTAC
Azərbaycan Respublikasının Gənclər Fondunun maliyyəsi və Azərbaycan Dövlət Pedaqoji Universitetində (ADPU) fəaliyyət göstərən ictimai təşkilatların təşkilati dəstəyi ilə “Şəhidimin hekayəsi” filminin rəsmi treyleri yayımlanıb. Şıxməmməd Şıxməmmədovun layihə rəhbəri olduğu “Şəhidimin hekayəsi” layihəsi çərçivəsində çəkilən filmin yaxın günlərdə Nizami Kino Mərkəzində təqdimatı keçiriləcək.
ADPU-dan AZƏRTAC-a bildirilib ki, layihə çərçivəsində gənclər Bakı və Sumqayıt şəhərlərində və şəhərətrafı qəsəbə və kəndlərdə, o cümlədən Ağdam və Cəbrayıl rayonlarında yaşayan şəhid ailələri ilə görüşərək onların xatirələrini dinləyib, şəhidlərimizin həyat yollarını əks etdirən film hazırlayıblar. Onlar 20 şəhid ailəsində, eləcə də Ağdam, Horadiz və Cocuq Mərcanlıda çəkilişlər aparıblar.
Layihənin məqsədi qəhrəman şəhidlərimizin müqəddəs həyatlarını əbədiləşdirməkdir.
Filmin rəsmi treylerini https://www.youtube.com/watch?v=ezrDvmnxuFE linkindən izləmək mümkündür.
Bölmənin digər xəbərləri
