ŞƏKİDƏ “XƏSİS” TAMAŞASININ PREMYERASI OLMUŞDUR
AZƏRTAC-ın müxbiri xəbər verir ki, Sabit Rəhman adına Şəki Dövlət Dram Teatrında fransız dramaturqu Jan Batist Molyerin “Xəsis” komediyası əsasında səhnələşdirilmiş ikihissəli tamaşanın premyerası olmuşdur. Tamaşa Azərbaycanda peşəkar teatrın yaranmasının 135 illik yubileyinə həsr edilmişdir.
Tamaşanın quruluşçu rejissoru Mirbala Səlimli, quruluşçu rəssamı Qüdrət Məmmədovdur. Rəqslərin quruluşu isə Çingiz Novruzəliyevindir. Tamaşada əsas rolları Əbülfət Salahov, Pərviz İsmayılov, Akif Yusifov, Xanlar Həşimzadə, Sima Şabanova, Lalə Məmmədova və başqaları ifa edirlər.
Teatrın yaradıcı kollektivi mayın 10-da ümummilli liderimiz Heydər Əliyevin 85 illik yubileyi şərəfinə bu tamaşanı Türkiyənin İstanbul şəhərində tamaşaçılara təqdim edəcəkdir.
Bölmənin digər xəbərləri
