OĞLAQLAR həftənin əvvəlində yeni layihənin icrasına başlayacaqlar. Bu layihə sizə nəinki maddi problemlərini həll etmək, həm də ən cəsarətli arzuları həyata keçirmək imkanı verəcəkdir. Müvəffəqiyyət qazanmaq üçün çoxlu zəhmət və maksimum səbir tələb olunacaqdır. Şəxsi münasibətlərdə sizi həyatınızı dəyişdirəcək gözəl sürpriz gözləyir.

DOLÇALAR əvvəl başladıqları işləri bu həftə təcili surətdə başa çatdırmalıdırlar. Köhnə problemlər irəli getmək şansınızı minimuma endirir, üfüqdə gözə dəyən yeni işgüzar təklifləri əlçatmaz edir. Gözlənilmədən dostlardan və keçmiş işgüzar tərəfdaşlardan yardım alacaqsınız. Şəxsi həyatda sabitlik və rahatlıqdır. Mövcud olan münasibətlər tədricən inkişaf edəcəkdir. Ehtirasların coşması gözlənilmir.

BALIQLAR bu həftə səbatlı olmalıdırlar. Hirsli vəziyyətdə sonradan peşmançılıq çəkəcəyiniz hərəkətlərə yol verməyin. Bunun yerinə perspektivli ideyalar barədə düşünün. Məhz indi elə bir dövr başlayır ki, sizdən səylərinizi ikiqat gücləndirməyi tələb edir. Bu yolla uzunmüddətli planlarınızı və yeni layihələrinizi həyata keçirə biləcəksiniz. Sevdiyiniz insan ideyalarınıza hörmətlə yanaşacaqdır. Lakin niyyətinizin nədən ibarət olduğunu ona aydın başa salmalısınız.

QOÇLAR ruhdan düşüb, məyusluğa qapılmamalıdırlar. Əksinə, bu həftə hər sahədə fəal olmalısınız. Məlumdur ki, heç bir iş öz-özünə düzəlmir. Uğur qazanmaq üçün enerjinizi və gücünüzü əsirgəməyin. Çətin dövr sanki heç olmamış kimi geridə qalacaqdır. Şəxsi həyatınız yeni tanışlıqlarla rövnəqlənəcəkdir, lakin bu tanışlıqların ciddi münasibətlərlə nəticələnməsi sual altındadır.

BUĞALAR bu həftə yeni gəlir mənbələri aşkar edəcəklər. Ola bilsin, yeni işgüzar tərəfdaşlarla görüşəcəksiniz. Onlar ən cəsarətli planlarınızı həyata keçirməyə kömək edəcəklər. Başqa insanlardan asılı vəziyyətə düşməmək üçün yüz ölçüb bir biçdikdən sonra qərar qəbul etməlisiniz. Bu bürcün tənha nümayəndələrini yeni münasibətlər gözləyir. Lakin bu münasibətlərin nə qədər davam edəcəyi yalnız sizdən asılı olacaqdır.

ƏKİZLƏRİ maraqlı işgüzar insanlarla görüşlər gözləyir. Həmin tanışlıqlar sayəsində yaxşı perspektivləriniz olacaqdır. Onların həyata keçirilməsi maddi rifahınızı yüksəltməyə imkan verəcəkdir. Bu həftə istənilən dəyişiklik sizin üçün müsbət nəticələnəcəkdir. Siz həyatın iti axarlı ritmində istirahət günlərinin nə vaxt gəlib çatdığını hiss etməyəcəksiniz. Həftə sonunu ailə arasında sakit şəraitdə keçirəcəksiniz. Özünüzü çox rahat və xoşbəxt hesab edəcəksiniz.

XƏRÇƏNGLƏR bu günlər ölçülüb-biçilmiş qərarlar qəbul etməlidirlər. Bu, ətrafınızda çoxlu dəyişikliyin baş verməsi ilə əlaqədar olacaqdır. Dəyişikliklər gözlənilməz də olsa, sizin üçün xeyirli olacaqdır. Əsas məsələ istiqaməti düzgün seçməkdir. Bəzi çətinliklərə baxmayaraq, addımlarınız son nəticədə düzgün olacaq və ən cəsarətli ümidləri doğruldacaqdır.

ŞİRLƏR işgüzar tərəfdaşlardan və dostlardan cəlbedici təkliflər alacaqlar. Bu həftəni ünsiyyət, görüşlər və yeni insanlarla tanışlıq işarəsi altında keçəcək, peşəkar fəaliyyətinizə yeni təkan verəcək, öz gücünüzə inamınızı artıracaqdır. Nəticədə tezliklə həm ətrafınızdakı insanların, həm də rəhbərliyin hörmətini qazanacaq, müvəffəqiyyətə nail olacaqsınız.

QIZLAR bur həftə peşəkar keçmişlərindən olan insanla ünsiyyətdə olacaqlar. Ola bilsin, işgüzar xarakterli maraqlı təklif alacaqsınız. Hətta əgər bu təklifi qəbul etmək qeyri-mümkün olsa belə, sizi unutmadıqları məsələsi ürəyinizə su səpəcəkdir. Bu həftə uzunmüddətli planlar qurmaq baxımından əlverişlidir.

TƏRƏZİLƏR diqqət mərkəzində olacaqlar. Ətrafdakılar sizinlə yaxından tanış olmağa can atacaqlar. Bu həftə müxtəlif ailə şənlikləri ilə əlamətdar olacaqdır. Çalışın, ailədə münaqişəli vəziyyət yaratmayasınız. Başqalarını dinləməyi, bəzən güzəştə getməyi bacarmalısınız.

ƏQRƏBLƏRİ dolğun həftə gözləyir. Bu həftə qətiyyətli addımlar atacaqsınız. Fəallığınız bir çox işlərə uğur qazandıracaqdır. Nəzərdə tutduğunuz hər şey həyata keçəcəkdir. Yeni gəlir mənbəyiniz olacaqdır. tərəfdaşlardan cəlbedici təkliflər alacaqsınız.

OXATANLAR müstəsna yaradıcı qabiliyyətləri və ruh yüksəkliyi sayəsində bütün problemlərini həll edəcəklər. Amma ətrafdakıların da rəyini nəzərə almağı unutmayın. Həftə bütün göstəricilər baxımından uğurlu və sabit olacaqdır. Hadisələr sizin xeyrinizə olacaqdır. Bütün layihələriniz və səyləriniz ailəniz tərəfindən dəstəklənəcəkdir.