SON ÜÇ AYDA AĞSTAFADA 860 AİLƏYƏ ÜNVANLI DÖVLƏT SOSİAL YARDIMI TƏYİN OLUNMUŞDUR
Ağstafa Rayon Əhalinin Sosial Müdafiəsi Mərkəzindən AZƏRTAC-a bildirmişlər ki, cari ilin üç ayında ünvanlı dövlət sosial yardımı almaq üçün mərkəzə 1020 ailə müraciət etmişdir. Onlardan 970-nin sənədləri qeydiyyata alınmışdır.
Mərkəzdə yaradılmış komissiyada isə 875 nəfərin ərizəsinə baxılaraq 860 ailəyə ünvanlı dövlət sosial yardımı təyin olunmuşdur. Rayon mərkəzində yaşayan 302 ailəyə yardım almaq üçün plastik kartlar verilmişdir.
