DÜNYA
Soyuq iqlim şəraitində yaşayanların əl və ayaqları digərlərinə nisbətən daha uzun olur
Bakı, 9 avqust, G.Məlikova, AZƏRTAC
Amerikanın Tennesi Universitetinin alimləri əl və ayaqların uzunluğuna təsir edən faktorları araşdırıblar.
AZƏRTAC “VistaNews” saytına istinadla xəbər verir ki, hələ ötən əsrin 60-cı illərində elm adamları insan bədəninin müxtəlif hissələrinin forma və ölçülərinin onların doğulub, yaşadıqları yerin iqlim şəraitindən asılı olduğunu irəli sürüblər. Müasir alimlər bu istiqamətdə bir sıra tədqiqatlar apararaq, təkamül seçiminin insan ətraflarına təsirini araşdırıblar. Afrikadan, Avropadan və Arktikadan olan insanlar üzərində aparılan tədqiqatlar zamanı onların bud, qol, çiyin sümükləri ölçülüb, bədən quruluşları öyrənilib. Məlum olub ki, həmin sümüklər iqlim şəraitindən asılı olaraq sərbəst inkişaf etmir. Belə ki, soyuq iqlimdə yaşayanların əl və ayaqları digərlərinə nisbətən daha uzun olur.