TANINMIŞ EL AŞIĞI İMRAN HƏSƏNOVUN XATİRƏSİ YAD EDİLMİŞDİR
AZƏRTAC xəbər verir ki, Tovuz rayonunun Bozalqanlı kəndində aşıq İmran Həsənovun anadan olmasının 80 illiyi qeyd edilmişdir. Tədbir aşıq Hüseyn Bozalqanlı adına “Saz sənəti” Dövlət Muzeyində keçirilmişdir.
Çıxış edənlər el aşığı İmran Həsənovun həyat və yaradıcılığından danışmışlar. Vurğulanmışdır ki, aşıq İ.Həsənov saz-söz sənətini dünyanın bir çox ölkələrində layiqincə təmsil etmiş, bir neçə aşıq müsabiqəsinin qalibi olmuşdur. O, topladığı 120-dən çox dastan və rəvayətin xalqa çatdırılmasında böyük əmək sərf etmiş, 8 saz havası yaratmışdır.
Bildirilmişdir ki, aşığın sağlığında “Vurğunam sənətimə” və “Ustadların yolu ilə” adlı kitabları nəşr olunmuşdur.
Tədbirdə aşıqlar Əli Quliyev, Mahmud Məmmədov, Məhəmməd Qasımoğlu və başqaları istedadlı aşıqla bağlı xatirələrini danışmışlar.
Bölmənin digər xəbərləri
