CƏMİYYƏT
Xəzərdə adi çəki, kütüm, Xəzər külməsi, şərq çapağı və şəmayı balıqlarının azaldığı müşahidə edilib
![Xəzərdə adi çəki, kütüm, Xəzər külməsi, şərq çapağı və şəmayı balıqlarının azaldığı müşahidə edilib](/files/2022/3/1200x630/16639203423827254131_1200x630.jpg)
Bakı, 23 sentyabr, AZƏRTAC
Xəzər dənizində balıq və digər su bioloji resurslarının mövcud vəziyyəti, gələcək dinamikası, növbəti il üçün balıq ovunun kvota proqnozlarını müəyyən etmək məqsədilə hər il kompleks ekoloji monitorinqlər keçirilir.
Bioloji Müxtəlifliyin Qorunması Xidmətinin Bioloji Resursların Tədqiqatı Mərkəzinin direktoru Mehman Axundov AZƏRTAC-a bildirib ki, Xəzər dənizinin bioloji resurslarını və dəniz mühitini öyrənmək məqsədilə “Əlif Hacıyev” elmi-tədqiqat gəmisi ilə keçirilən son monitorinqlərin nəticələrinə görə, dənizdə siyənəklərin və kefalların vəziyyətinin qənaətbəxş olduğu, adi çəki, kütüm, Xəzər külməsi, şərq çapağı və şəmayı balıqlarının isə azaldığı müşahidə edilib.
“Ölkəmizdə balıq ehtiyatlarının artırılmasına töhfə vermək məqsədilə hər il təbii su hövzələrinə Ekologiya və Təbii Sərvətlər Nazirliyinin balıqartırma müəssisələrində yetişdirilən balıq körpələrinin buraxılışı həyata keçirilir”, - deyə M.Axundov qeyd edib.