Yaponiya, ABŞ və Cənubi Koreya Şimali Koreya məsələsini müzakirə edəcək
Tokio, 30 may, AZƏRTAC
ABŞ-ın Şimali Koreya üzrə xüsusi nümayəndəsi Stiven Biqen Yaponiya və Cənubi Koreyadan olan həmkarları ilə Şimali Koreyanın nüvə silahının ləğvi məsələsini müzakirə edəcək.
AZƏRTAC xəbər verir ki, ABŞ Dövlət Departamenti S.Biqenin mayın 31-dən iyunun 2-dək Sinqapurda Asiyanın təhlükəsizliyinə həsr edilən “Şanqri-La dialoqu” adlı görüşdə iştirak edəcəyi barədə məlumat yayıb. Bildirilir ki, həmin tədbirdə S.Biqen Yaponiyadan və Cənubi Koreyadan olan yüksəkvəzifəli rəsmilərlə görüşəcək.
Həmin rəsmi şəxslərin Yaponiya XİN-in Asiya və Okeaniya İşləri Departamentinin rəhbəri Kenci Kanasuqi və Cənubi Koreyanın Koreya yarımadasında sülh və təhlükəsizlik üzrə xüsusi nümayəndəsi Li Do Xun olacağı qeyd edilir.
Görüş zamanı onların Şimali Koreyanın nüvə silahının tam ləğvı ilə bağlı fikir mübadiləsi aparacağı gözlənilir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
