Yevlaxda uşaq bağçası, Saatlıda ev yanıb
Bakı, 16 aprel, AZƏRTAC
Yevlaxda yanğın hadisəsi qeydə alınıb.
AZƏRTAC Fövqəladə Hallar Nazirliyinin (FHN) saytına istinadla xəbər verir ki, Yevlax şəhərində uşaq bağçasının yerləşdiyi ikimərtəbəli binanın birinci mərtəbəsindəki xidməti otaqda yataq dəstləri yanıb.
Bina yanğından mühafizə olunub. Yanğın yanğın bölmələri tərəfindən söndürülüb.
Saatlıda isə yaşayış evində yanğın baş verib. Fövqəladə Hallar Nazirliyindən verilən məlumata görə, Saatlı rayonunun Qarayevkənd kəndində ümumi sahəsi 220 m2 olan birmərtəbəli 5 otaqlı evin dam örtüyü 220 m2 sahədə, 4 otağının və mətbəxinin yanar konstruksiyaları 140 m2 sahədə yanıb.
Evin qalan hissəsi və bitişik talvar yanğından mühafizə olunub. Yanğın yanğın bölmələri tərəfindən söndürülüb.
Bölmənin digər xəbərləri
