Yunanıstanda miqrantlar dəmir yollarının hərəkətini dayandırıb
Afina, 5 aprel, AZƏRTAC
Yunanıstanda miqrantlar dəmir yollarının hərəkətini dayandırıb.
AZƏRTAC xəbər verir ki, Yunanıstanda polis və miqrantlar arasında çəkişmələr baş verib. Belə ki, Şimali Makedoniyaya getmək istəyən miqrantlar Şimali Makedoniya ilə Yunanıstanın sərhədinin açılması ilə bağlı yalan xəbəri eşidərək Salonikidə yerləşən “Diabata” qaçqın düşərgəsində polislərlə mübahisə edib, daş atıblar. Eyni zamanda, qaçqınlar “Larisa” stansiyasında dəmir yolunu bağlayaraq polislə qarşıdurmaya giriblər. Polislər miqrantlara qarşı gözyaşardıcı qazlardan istifadə edib, onlardan bəzilərini isə həbs edib.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
