SİYASƏT


Naqif Həmzəyev: Belarusda prezident seçkiləri ilə bağlı səsvermə prosesi yaxşı təşkil olunub

Minsk, 9 avqust, AZƏRTAC

Belarusda prezident seçkiləri ilə bağlı səsvermə prosesi yaxşı təşkil olunub.

Bu fikri AZƏRTAC-a açıqlamasında səsvermə prosesini izləyən Azərbaycan Milli Məclisinin deputatı Naqif Həmzəyev söyləyib.

O bildirib ki, artıq Minsk şəhərinin bir neçə məntəqəsində səsvermə prosesini izləyib. Məntəqələrdə seçici fəallığı müşahidə edilir.

N.Həmzəyev deyib ki, gün ərzində digər şəhərlərdə də müşahidəçilik missiyasını həyata keçirəcək. Səsvermə prosesinin sonunda isə məntəqələrdə bülletenlərin sayılması prosesini izləyəcəklər.

Qeyd edək ki, avqustun 9-da Belarusda keçirilən prezident seçkilərini Azərbaycan nümayəndə heyətinin tərkibində MDB Parlamentlərarası Assambleyası Azərbaycan Milli Məclisinin daimi nümayəndəsi, Şuranın Baş katibinin müavini Aydın Cəfərov, Milli Məclisin deputatları Arzu Nağıyev, Azər Badamov, Naqif Həmzəyev və Kamran Bayramov müşahidə edirlər.

Emil Hüseynli

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.